بلیک ہیڈز کا گھریلو علاج

ویسے تو کسی بھی عمر میں آپ کو بلیک ہیڈز کا مسئلہ درپیش آسکتا ہے ، لیکن نو عمری اور بلوغت کے دنوں میں اس مسئلے کا سامنا اکثر نوجوانوں کو رہتا ہے۔ بلیک ہیڈزکالے یا پیلے رنگ کے چھوٹے ابھار ہوتے ہیں جو کہ بالوں کے فولیکز ( جڑمیں موجود غدودی گڑھے ) میں مٹی اور مردہ خلیوں کے اکٹھے ہونے کی وجہ سے ہوتے ہیں ۔

کسمیٹک مصنوعات کا بےتحاشا استعمال، جلد کی غیر مناسب دیکھ بھال ، سٹریس اور جینیات اس مسئلے کی بنیادی وجوہات بن سکتی ہیں۔ اور اس کا اگر باقاعدہ علاج نہ کیا جائے تو یہ وبائی شکل میں پورے بدن میں پھیل سکتے ہیں ۔ بلیک ہیڈز کے ویسے تو مارکیٹ میں کئی قسم کے علاج موجود ہیں لیکن بہترین طریقہ علاج قدرتی اجزاء پر مشتمل کھریلو نسخہ جات ہے جو آپ  کے کچن میں موجود کئی اجزاء پر مشتمل ہیں اور آسانی سے گھر میں تیار ہو سکتے ہیں اور ان کی مدد سے آپ چند ہی دنوں میں بلیک ہیڈز کا علاج کر سکتے ہیں ۔

بیکنگ سوڈا :

    بیکنگ سوڈا بلیک ہیڈز اور ایکنی کے لیے نہایت کارآمد ہے ذریعہ علاج ہے ۔ یہ جلد کو ڈیڈ سکن اور گندگی سے صاف کرنے میں انتہائی موثر ہے ۔

۱۔ دو کھانے کے چمچ بیکنگ سوڈا اور منرل واٹر آپس میں سچھی طرح حل کریں اور پیسٹ بنا لیں

۲۔ اس پیسٹ کو متاثرہ جگہ پر لگائیں اور آہستگی سے مساج کریں

۳۔ دھونے سے پہلے کچھ دیر کے لیے اس ماسک کو خشک ہونے دیں ۔

۴۔ اس طریقے کو ایک یا دو بار ہفتہ میں دہرائیں ۔

دارچینی

دار چینی کو بلیک ہیڈز ختم کرنے اور ان سے بچاؤ کے لیے استعمال کیا جاتا ہے

ایک چائے کا چمچ پسی ہوئی دارچینی اور ایک چمچ نمو کا رس میں مکس کر لیں۔ چاہیں تو اس میں ایک چٹکی ادرک پاوڈر بھی ڈال لیں۔ اس محلول کو پورے چہرے پر پھیلا دیں اور دس سے پندرہ منٹ کے لیے چہرے پر لگا دیں اور پھر پانی سے دہو دیں ۔

جو کا دلیہ

جو کا دلیہ کا آمیزہ آپ کی جلد کو بلیک ہیڈز سے صاف رکھنے کے لیے بہترین طریقہ علاج ہے ۔

حسبِ ضرورت جو کا دلیہ لیں ، اس میں ایک چائے کا چمچ شہد اور چار عدد ٹماٹروں کا رس شامل کر لیں اوراس کا گاڑھا پیسٹ بنا لیں۔

اسے اپنے چہرے پر اچھی طرح رگڑ کرلگائیں

دس منٹ کے بعد اسے دھو دیں

صاف جلد پانے کے لیے اس ترکیب کو باقاعدگی سے دہراتے رہیں

لیموں کا رس

لیموں کے رس کو مھاسوں کے لیے استعمال کیا جاتا ہے لیکن یہ بلیک ہیڈز ختم کرنے کے لیے بھی نہایت موثر ثابت ہوا ہے ۔

آدھے کٹھے لیموں پر چند قطرے خالص شہد کے ڈالیں اور اس لیموں کو آہستہ آہستہ اپنے چہرے پر ملیں خاص کر کے اس جگہ جہاں بلیک ہیڈز ہونے کے امکانات زیادہ ہوتے ہیں ۔دس منٹ بعد اسے دھو لیں ہفتہ میں دو مرتبہ دہرائیں ۔