تھوڑی دیر کو جی بہلا تھا

جان ایلیا تھوڑی دیر کو جی بہلا تھا - 

تھوٹی    دیر     کو     جی     بہلا    تھا

پھر     تیری    یاد    نے     گھیر     لیا

یاد      آئی       وہ       پہلی       بارش

جب     تجھے   ایک    نظر   دیکھا   تھا

ہرے  گلاس  میں  وہ  چاند کے ٹکڑے

لال       صراحی      میں     سونا    تھا

چاند    کے    دل    میں    جلتا   سورج

پھول    کے   سینے    میں    کانٹا   تھا

کاغز    کے     دل     میں    چنگاری

خس    کی   زبان    پر    انگارہ   تھا

 دل    کی    صورت    کا    اک    پتا

تیری   ہتھیلی    میں     رکھا     تھا

شام   تو   جیسے   خواب   میں   گزری

آدھی     رات      نشہ      توٹا      تھا

شہر   سے   دور   اندھیرے   جنگل  میں

بارش     نے     ہمیں    گھیر    لیا   تھا

صبح   ہوئی   تو   سب     سے   پہلے

میں   نے    تیرا    منہ    دیکھا   تھا

دیر   کے    بعد   مرے   آنگن   میں

سرخ   انار   کا   پھول   کھلا    تھا

دیر   کے   مُر  جھائے   پیڑوں  کو

خوشبو      نے     آباد     کیا    تھا

شام   کی   گہری   اونچائی   سے

ہم   نے   دریا   کو     دیکھا   تھا

یاد   آئیں     کچھ     ایسی     باتیں

  میں   جنہیں   کب   کا  بھول چکا تھا